Өмнөговь аймагт улаан бурхан өвчний тохиолдол батлагдсанаар, сургууль цэцэрлэгийн үйл ажиллагааг 03 дугаар сарын 20-ны өдрийг хүртэл цахим хэлбэрт шилжүүлсэн бол  Дундговь аймагт мөн улаанбурхан өвчний хоёр тохиолдол батлагдаж, улмаар ХӨСҮТ-ийн тандалтын баг очиж ажиллахаар болсон. Тэгвэл тус аймгийн Засаг дарга С.Мөнхчулууны захирамжаар гуравдугаар сарын 28-ныг дуустал бүх төрлийн боловсролын байгууллага буюу политехник коллеж, сургууль, цэцэрлэг, өндөр өнжүүлэх төвийн үйл ажиллагааг хязгаарлаж, цахим хэлбэрт шилжүүлэхээр болжээ. Мөн холбогдох арга хэмжээнүүдийг авч ажиллахыг албаныханд даалгасан байна.