Монгол Улсын Их Хурлын 2024 оны ээлжит сонгуульд тойрогт 19 нам, хоёр эвслээс болон бие даан нэр дэвшигч 996, жагсаалтаар 15 нам, хоёр эвслээс 370, нийт 1336 нэр дэвшигч оролцож байна. Монгол Улсын Их Хурлын сонгуулийн тухай хуульд зааснаар сонгуулийн сурталчилгааг өнөөдрөөс эхлүүлж, санал авах өдрөөс 24 цагийн өмнө (2024.06.26-ныг дуустал) зогсоох юм. Энэхүү сонгууль нь 126 гишүүнийг сонгож буй гэдгээрээ онцлогтой бөгөөд 1992 оноос хойшхи парламентын түүхэнд хамгийн олон нэр дэвшигч өрсөлдөж байна.