УИХ-ын гишүүн асан, УИХ-ын сонгуульд нэр дэвшигч Н.Номтойбаярт өнгөрсөн сарын 28-ны шүүх хуралдааны урьдчилсан хэлэлцүүлгийн үеэр  цагдан хорих, таслан сэргийлэх арга хэмжээг авсан юм. Тодруулбал, Н.Номтойбаярыг Эрүүгийн хэрэг хянан шийдвэрлэх тухай хуулийн 14.9 дүгээр зүйлийн 1 дэх хэсгийн 1.2-т заасан “...мөрдөгчийг дарамталсан, үндэслэл бүхий баримт, мэдээлэл байгаа” гэх үндэслэлтэй прокурорын баримт, хүсэлтийг харгалзан шүүх дээрх шийдвэрийг гаргасан байдаг.  Өнгөрөгч зургадугаар сарын 17-нд Н.Номтойбаярын гэм буруугийн шүүх хурал эхэлсэн ч маргааш буюу зургаадугаар сарын 26-ныг хүртэл хойшлогдсон юм. Тэрбээр УИХ-ын ээлжит сонгуулийн 29-р тойрог буюу Хан-Уул дүүрэгт  бие даан нэр дэвшиж,  30 гаруй мянган хүн түүнийг дэмжихээ илэрхийлж гарын үсгээ зурж байсан ч харамсалтай нь УИХ-ын гишүүн болж чадсангүй. Хэдийгээр түүний сонгуулийн сурталчилгааны ажлыг аав Б.Нямтайшир нь хийж байсан ч ийнхүү нэр дэвшигчээс гишүүн болж хараахан чадсангүй.