Хөвсгөл аймгийн Мөрөн сумын Эрчим багт өчигдөр хүчтэй
аадар, мөндөр орсны улмаас 7 айлын хашаа, 2 гудамж усанд автсан, үерийн ус
зайлуулах сувгийн шороон далан сэтэрсэн тухай дуудлагыг хүлээн авчээ. Тус
аймгийн Онцгой байдлын газрын алба хаагчид, Мөрөн сумын мэргэжлийн ангийнхан
ажиллаж 5 метр урт, 1 метр өндөр шороон далан босгож, иргэдийн амь нас, эрүүл
мэнд, эд хөрөнгийг хамгаалжээ.