Эрүүл мэндийн яамнаас ээлжит мэдээллээ хийлээ. Өнөөдөр
шинээр нэг тохиолдол илэрсэн бол 21 хүн эдгэрч гарсан байна. ХӨСҮТ-ийн хоёр лаборатори, Дархан-Уул аймгийн
салбар лабораторид өчигдөр /2020.6.3/ нийт 469 шинжилгээ хийснээс 468-д нь
коронавирус илрээгүй. Вирус илэрсэн хүн нь тавдугаар сарын 26-нд Москва-
Улаанбаатар чиглэлийн онгоцоор ирсэн бөгөөд давтан шинжилгээгээр ийнхүү коронавирусын
халдвар илэрлээ. Халдвартай хүмүүсээс 21 хүн эдгэрч, дараагийн сувилалд
шилжлээ. Эдгээрийн ес нь оюутан аж. Эмчилгээний хугацааг тооцвол 21-22 хоног
байна. Одоогоор ХӨСҮТ-д 157 хүн эмчлүүлж байна хэмээн ХӨСҮТ-ийн захирал
Д.Нямхүү мэдээллээ.
Монгол Улсад өнөөдрийн байдлаар Covid-19-ийн халдвар
зөөвөрлөгдөж, лабораториор батлагдсан нийт 186 тохиолдол бүртгэгдлээ. Мөн нийт
65 хүн эдгэрч гарснаас 36 нь сувилалд, 16 нь гэрийн ажиглалтад, 13 хүн нь бүрэн
эдгэрлээ.