Намрын чуулган нээгдснээс хойш УИХ, Засгийн газрын төвшинд үйл ойлголцож багагүй хугацаа алдсаны эцэст дөнгөж сая Засгийн газрын Хэрэг эрхлэх газрын дарга С.Баярцогт УИХ-ын дарга З.Энхболдод Тавантолгойн гэрээний төслийг өргөн барилаа. Уг төслийг парламентаар хэлэлцэхээр шийдвэрлэснээс хойш Засгийн газар шаардлагатай баримт материалуудыг цуглуулж хавсаргасан гэдгийг С.Баярцогт сайд онцоллоо. УИХ-ын дарга З.Энхболд, Ерөнхий сайд Ч.Сайханбилэг нар өмнө нь ярилцаж тохиролцсны дагуу Тавантолгойн гэрээний төслийг 14 хоногийн дотор хэлэлцэн шийдвэрээ гаргах ёстой юм. УИХ-ын даргаын дэргэдэх зөвлөл долоо хоног бүрийн баасан гаригт хуралдаж дараагийн долоо хоногт хэлэлцэх төслүүдийн жагсаалтаа гаргадаг. Тиймээс Тавантолгойн асуудлыг ирэх долоо хоногт хэлэлцэж эхлэх юм. 

 А.Бүрэнтөгс