Бээжингийн 2022 оны өвлийн олимп, паралимпын уриаг албан ёсоор нийтэллээ. Даруй “Ирээдүйн зүг хамтдаа” гэдэг уриа юм. Энэ нь Хятад улсаас дэлхий нийтэд хандан илгээсэн урилга, мөн олимпын зориг санааны уриалга дор дэлхийн ард түмэнтэй хамтдаа урагшилж, дэмжин туслалцаж, хамтдаа сайн сайхан ирээдүйг цогцлон байгуулах гэсэн Хятадын 1 тэрбум 400 сая хүн ардын сайн сайхан хүсэл эрмэлзлийг дамжуулж байгаа юм гэж олимпийн зохион байгуулагчдын зүгээс онцоллоо. 

1984 оноос хойш удаа бүрийн олимпын наадам бүгд өвөрмөц уриатай зохиогдож иржээ. Олимпын уриа нь удаа бүрийн олимпын зохион байгуулах үзэл баримтлалын дээд түвшний хураангуй, төвлөрсөн илэрхийлэл болдог тул удаа бүрийн олимпын гол агуулгыг харуулж байдаг.