ДЭЛХИЙН НӨЛӨӨ БҮХИЙ УДИРДАГЧААР МАНДАЖ ЯВСАН ХУ ЖИНТАОГИЙН УЧИР БИТҮҮЛЭГ ҮХЭЛ

2026-01-30 20:02:07 0

БНХАУ-ын төрийн эрхийг 10 жил тасралтгүй барьсан Ху Жинтаог 2022 оны 10 дугаар сард хуралдсан Хятадын Коммунист намын төв хорооны хуралдааны үеэр намын хоёр ажилтан авч гарснаас хойш дэлхий дахинаараа түүний тухай ямар ч мэдээлэлгүй байсан. Тухайн үед Ху Жинтаог чуулганы танхимаас албадан авч гарсныг “бие нь муудсан” гэсэн тайлбарыг өгч байсан юм. Гэтэл зарим нэгэн дүрс бичлэгээс харахад түүний бие хэвийн байсан бөгөөд харин ч хуралдаа идэвхтэй оролцохоор ирсэн байв. Түүгээр ч барахгүй хажуудаа сууж байсан хүнтэй ямар нэгэн зүйлээс санал зөрөлдсөн бололтой муудалцаж байгаа нь дүрс бичлэгт бий. Тэднийг муудах үеэр Ши Жиньпин дохио өгч, намын ажилтнууд ирж толгой дохиод түүнийг авч гарсан байдаг. Энэ үеэс хойш түүнийг хэн ч хараагүй бөгөөд албан бус мэдээллээр түүнийг нас барсан хэмээн Хятадын хэвлэлд саяхнаас мэдээлж эхэлжээ. Яагаад бүхэл бүтэн гурван жилийн дараа энэ бүхнийг нийтэд ил болгосон асуудал ч хятадуудыг гайхашруулахад хүргэж байна. Ху Жинтаог нас барсан тухай мэдээллийг цэргийнхэн төрийн эргэлт хийхийг завдсан энэ үед сануулга хэлбэрээр ил гаргаж байна хэмээн барууны улстөрчид үзэж байгаа юм. Ши Жиньпин төрийн эргэлт хийхийг завдсан хэмээн хамгийн том генералуудаа барьж хорьсон байгаа бөгөөд энэ үеэр цөөнгүй цэргийн албан тушаалтнууд ч амь үрэгдсэн гэх боловч нууцалсаар байгаа юм.

Ху Жинтаог ямар учир шалтгаанаар “нухчихсан” байж болох вэ? Түүний нэр хүнд Ши Жиньпинээс илүү байж, эрх мэдлийн хүрээ нь буурахгүй байсан нь түүнийг хөнөөх шалтгаан байв уу? Ялангуяа цэргийнхэнтэй ойр байсан нь түүний аминд хүрэх шалтгаан болов уу? Ингэхэд Ху Жинтао хэн байв?

Ху Жиньтао 1942 оны 12 дугаар сарын 21-нд Хятадын Зянсу мужийн Тайсянь дүүрэгт төржээ. Тэдний гэр бүл цайны худалдаа эрхэлдэг байжээ. Өөр эх сурвалжаар бол Ху-гийн эцэг нь Аньхой-гаас гаралтай цайны томоохон худалдачин байсан боловч Ху хүүгээ төрөхөд дампуурсан байжээ. Ху-гийн 5 настайд түүний эх нас барж, хамаатны эмгэн Лю Бинся түүнийг хүмүүжүүлсэн гэдэг. Өөр нэг сурвалжаар Ху-гийнх ядуу байсан тул хамаатан ах нь хүмүүжүүлсэн ч гэдэг. Дунд сургуульд Дэн Сяопины ирээдүйн хүргэн Жан Хунтай хамт сурч байжээ. 1959 онд тэрээр ямар нэг дэмжлэггүйгээр Бээжин хотын нэр хүндтэй Цинхуа дээд сургуулийн усны технологийн ангид элсэж чадсан байна. 1964 онд усан цахилгаан станцын инженерын диплом авахын өмнө 4 дүгээр сард хятадын Коммунист намд элсэх шаардлагатай болсон ажээ. 1966 онд Хятадын Соёлын хувьсгал эхэлсний дараа Ху улс төрийн зааварлагчийн ажлаа алдсан. Ху-гийн эцгийг хэлмэгдүүлж, түүний цай худалдаалдаг дэлгүүрийг хаажээ. Ху-г "хөрөнгөтний удам" хэмээн цоллож, 1968 онд тус улсын баруун хэсэгт орших ядуу Ганьсу мужид "хөдөлмөрийн дахин боловсрол олгох" лагерт нутаг зажээ. Тэнд 1968-1969 онд Усны Нөөц, Цахилгааны Яамны Люжиан дахь Инженерийн Газрын барилгын багт даамал ажилчин байв. Дараа нь Ху цолоо ахиулж, Усны Нөөц, Цахилгааны яамны инженерийн дөрөвдүгээр газрын техникч, хэлтсийн нарийн бичгийн дарга, тус газрын намын нэгдсэн намын дэд нарийн бичгийн даргын алба хашиж байжээ. Хөх мөрний дээд хэсэгт хоёр усан цахилгаан станц барих ажилд оролцсон байна. 1982 оны 9 дүгээр сараас 12 дугаар сар хүртэл нэгэн зэрэг Ганьсу мужийн Залуучуудын Эвлэлийн хорооны дарга байв. Энэ үед Ху-ийн ажил мэргэжлийн хувьд шийдвэрлэх үүрэг гүйцэтгэсэнтэй уулзалт болсон гэдэг. Энэ хэрэг түүнийг хуучин ангийнхан болох тэр үеийн ХКН-ын Төв Хорооны Ерөнхий нарийн бичгийн дарга Ху Яобаны хүү дээр авчирч, түүнийг намын элитүүдийн хүрээлэлд оруулан танилцуулсан ажээ.

1985 онд Ху Жиньтао ХКН-ын арванхоёрдугаар чуулганаар Төв хорооны бүрэлдэхүүнд багтаж хамгийн залуу гишүүн болж байжээ. Үүний зэрэгцээ тэрээр маш ядуу уулархаг баруун өмнөд мужийн намын хорооны дарга, мужийн цэргийн зөвлөлийн намын хорооны нэгдүгээр нарийн бичгийн даргаар томилогджээ. Тэрээр эдгээр хоёр албан тушаалыг 1988 он хүртэл хашиж байсан. Ху тэр үед Хятадын хамгийн залуу мужийн удирдагч байв. 1988 онд Түвдэд Хятадын эсрэг үзэл ихээхэн гаарсан бөгөөд иймд бүсийн шинэ даргыг томилох тухай асуудал гарч, Ху өөрөө сайн дураараа энэ албан тушаалд томилогдов. Зарим мэдээллээр үндэсний цөөнхтэй ажиллаж чаддагаа сайн харуулж чадсан тул түүнийг Түвд рүү шилжүүлсэн байна. 1988-1992 онуудад Ху Түвдийн Өөртөө Засах орны Коммунист намын хорооны нарийн бичгийн дарга, Түвдийн цэргийн тойргийн намын хорооны нэгдүгээр нарийн бичгийн даргаар ажиллаж байжээ. Ху нь Түвдэд цэргийн туршлагагүй анхны Хятад удирдагч болсон байна.1989 оны эхээр Түвдэд үймээн самуун дэгдэж, Ху түүнийг хэрцгийгээр дарж байв. Цэргийн байдал зарлаж, цэргүүдийг ашигласан. Жагсагчдын эсрэг нулимс асгаруулагч хий, байлдааны сум хэрэглэсэн. Ху-гийн Түвдэд хийсэн шийдвэртэй үйл ажиллагаа нь Хятадын удирдагч Дэн Сяопины анхаарлыг татсан байна. Түвдийн үймээн самууныг дарах нь тухайн жилийн сүүлээр болсон Тяньаньмэний үйл явдлын бэлтгэлийн нэг хэлбэр болсон гэж үздэг.1992 онд Ху Жиньтао ХКН-ын Төв хорооны Улс төрийн товчооны гишүүн болж мөн онд түүнийг Намын төв хорооны дэргэдэх Намын дээд сургуулийн ректороор томилж 9 жил болжээ. 1998 оны 3 дугаар сард БНХАУ-ын даргын орлогчоор сонгогдсон байна. 2002 оны 11 дүгээр сард түүнийг ХКН-ын Ерөнхий нарийн бичгийн даргаар намын бүгд хурлаар Зян Зэминий оронд сонгожээ. Төлөвлөж байсны дагуу 2012 оны 11 дүгээр сард ХКН-ын XVIII их хурлаар Ху Жиньтао намын Төв хорооны гишүүнчлэлээсээ татгалзаж, 11 дүгээр сарын 15-нд ХКН-ын төв хорооны бүгд хурлаар Ши Жиньпин шинэ ерөнхий нарийн бичгийн дарга, даргаар сонгогдлоо. Хятадын Коммунист намын Цэргийн төв зөвлөл (Ху Жиньтао БНХАУ-ын даргын албан тушаалаа 2013 онд орхисон). XVIII их хурлаар Ху Жиньтаогийн нэрийг ХКН-ын Дүрэмд Мао Зэдун, Дэн Сяопин, Зян Зэминий дараа ХКН-ын XVI их хурлаас хойших Хятадын коммунистуудын гол төлөөлөгч гэж оруулсан юм. Тэрээр 2013 онд эрх мэдлээ Ши Жиньпинд шилжүүлж 2022 оны 10-р сарын ХКН-ын ХХ-р Их хурлаар намын тэргүүлэгчдийн суудлаас бүрмөсөн зайлуулагдсан юм. Гэвч эцэст нь Хятад орныг маш хурдацтайгаар хөгжүүлсэн, Дэлхийн нөлөө бүхий хүнээр шалгарч байсан тэрээр нохойн үхлээр нас барсан бололтой.

Сэтгэгдэл үлдээх

АНХААРУУЛГА: Уншигчдын бичсэн сэтгэгдэлд horiotoi.mn хариуцлага хүлээхгүй болно. horiotoi.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг horiotoi.mn сайтад зочлон өөрийн санал бодлоо чөлөөтэй илэрхийлж байгаад баярлалаа.