Аймаг, нийслэл, сум, дүүргийн Иргэдийн төлөөлөгчдийн хурлын төлөөлөгч, гишүүдийг сонгох сонгуулийн сурталчилгааны хугацаа  2020 оны 10 дугаар сарын 13-ны өдрийн 00 цагаар албан ёсоор өндөрлөсөн. Үүнээс хойш  нэр дэвшигчид ямарваа нэгэн байдлаар сонгуулийн сурталчилгаа хийх хуулиар хориглодог. Харин маргааш өглөө сонгуулийн санал хураалт 07-22 цагт санал хураалт болно.    

Гэтэл УИХ-ын гишүүн, Өмнөговь аймгийн МАН-ын дарга Н.Наранбаатар төрийн хуулийг уландаа гишгэж, өөрийн  нүүр номын хуудсаар дамжуулан сонгуулийн сурталчилгаа хийсээр байна.

Тэрээр өнгөрсөн УИХ-ын сонгуулиар Өмнөговь аймгаас сонгогдож, УИХ-ын гишүүн болсон ч  өнөөдрийг хүртэл аймгийнхаа МАН-ын даргын албыг давхар гүйцэтгэж байгаа. Өөрөөр хэлбэл, сонгуулийн сурталчилгаа явуулах эрх бүхий этгээд  юм.  Уг хуулийн 47-5-2-д зааснаар, Сонгуулийн сурталчилгаа  явуулах эрх бүхий этгээд  зөвшөөрснөөс бусад хугацаанд сонгуулийн сурталчилгаа хийхийг хориглоно гээд тодоос тод заасан байна. Өмнөговь аймгийн МАН-ын дарга, УИХ-ын гишүүн Н.Наранбаатар та  хууль бус сурталчилгаагаа зогсоож, төрийн хуулийг дээдлэх хэрэгтэй байна.