Коронавирусийн цар тахлын нөхцөл байдлын улмаас оюутан, сурагчид болон цэцэрлэгийн амралтыг өнгөрсөн оны 12 дугаар сарын 10-наас эхлүүлсэн. Энэ сарын 7-ны өдрөөс хичээл, сургалтын үйл ажиллагааг цахимаар эхэлж, танхимын сургалтыг 28-ны өдрөөс эхлүүлэхээр төлөвлөж байсан. Харин өнөөдрийн Засгийн газрын хуралдаанаар энэхүү шийдвэрээ өөрчилж, ерөнхий боловсролын сургууль болон их дээд сургуулийн хичээл, цэцэрлэгийн үйл ажиллагааг хоёрдугаар сарын 14-нөөс 100 хувь танхимаар эхлэхээр шийдвэрлэжээ.
Мөн 3 настай хүүхдүүдийг цэцэрлэгт хамруулахаар болсон байна. Хичээл, сургалтын үйл ажиллагааг танхимын сургалтанд нь шилжүүлж байгаатай холбогдуулан халдвар хамгааллын дэглэмийг баримтлах, ариутгал халдваргүйжүүлэлтийн ажлыг холбогдох байгууллагуудыг хийхийг үүрэг болгосон байна.
АНХААРУУЛГА: Уншигчдын бичсэн сэтгэгдэлд horiotoi.mn хариуцлага хүлээхгүй болно. horiotoi.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг horiotoi.mn сайтад зочлон өөрийн санал бодлоо чөлөөтэй илэрхийлж байгаад баярлалаа.