Эх хүүхдийн эрүүл мэндийн үндэсний төвд 4 настай хүү цусаар баасан гэсэн оноштойгоор иржээ.  ЭХЭМҮТ-ийн эмч нар яаралтай шинжилгээ оношилгоо хийхэд  20 гаруй хоногийн өмнө 4 настай хүү олон тооны соронз залгисан байсан нь  батлагджээ. Ингээд яаралтай хагалгаанд орж,  ходоодны 2 газар, дээд гэдэсний 3 газрын завсар хавчигдаж,  ходоод, дээд гэдэс цоорсон байсныг мэс заслаар эмчлэн, биед нь байсан  56 ширхэг соронзыг  гарган авлаа. Хагалгаа хэдий амжилттай болсон ч удаан хугацааны асаргаа сувилгаа хэрэгтэй гэнэ. Иймд эцэг, эхчүүд эрүүл мэндийн мэдлэгээ сайжруулах, хүүхдэд тавих анхаарал, халамжаа нэмэгдүүлэхийг ЭХЭМҮТ-өөс анхааруулж байна. Нэн ялангуяа жижиг соронз орсон тоглоомоор тоглуулахгүй байх, хүүхдийн биед сөрөг нөлөөтэй, хурц үнэр, амттай, гэмтээж болохуйц тоглоом авч өгөхгүй байхыг сануулж байна.