Үндсэн хуулийг зөрчиж, төрийн эрхийг хууль бусаар авахыг санаархсан Х.Булгантуяа, П.Сайнзориг, Ц.Сандаг-Очир нарт холбогдох хэргийг харьяаллын дагуу Тагнуулын байгууллагаас шалгаж эхэлсэн байна. Ингэхдээ Эрүүгийн хуулийн 19.2 дугаар зүйл буюу төрийн эрх мэдлийг хууль бусаар авах, саатуулах гэсэн 12-20 жил хүртэл хугацаагаар хорих ял шийтгэх хэргээр шалгаж байна. Өнгөрсөн долоо хоногийн УИХ-ын чуулганаар УИХ-ын дэд дарга Х.Булгантуяад хариуцлага тооцож, дэд даргаас нь чөлөөлөх асуудлыг хэлэлцсэн. Харин энэ асуудалтай холбогдуулан УИХ дахь АН-ын бүлэг 5 хоногийн түр завсарлага авсантай холбоотойгоор хойшлоод байгаа билээ.