Хятадын талаас АНУ-ын амьтны хүрээлэнд байгаа бүх хулсны баавгайг өөрийн улс уруу эргүүлэн авахаар болсон байна. Хоёр гүрний хооронд үүссэн хурцадмал байдлаас болж АНУ ирэх жил нэг ч хулсны баавгайгүй үлдэх эрсдэлтэй боллоо гэж  BBC мэдээлсэн байна.
Дэлхийд нэн ховордсон  хулсны баавгай нь зөвхөн Хятад улсад л байдаг. Ойролцоогоор 1600 хулсны баавгай Сичуань, Ганьсу болон Шаанси мужийн дархан цаазтай газруудад амьдардаг. Хятад улс нь хулсны баавгайг үржүүлэх болон биологийн судалгаа хийх зорилгоор л гадаадад түр хугацаагаар түрээслүүлдэг.Тэгвэл Хятадын талаас Америкийн амьтны хүрээлэнтэй ийнхүү гэрээгээ сунгахаас татгалзаж, бүх баавгайгаа буцаан авахаар боллоо.