Ерөнхийлөгч асан Х.Баттулга сүүлийн үед нийгмийн амьдралд идэвхтэй оролцож эхлэв. Аль хэдийнэ хоёр хуваагдаад байгаа АН-ын даргын сунгаанд нэр дэвшиж, аймаг, орон нутгаар сонгуулийн сурталчилгаагаа өрнүүлж яваа. Гэвч үүнийг нь С.Эрдэнэ даргатай АН-ынхан үгүйсгэж, тамга тэмдэггүй хууль бус үйлдэл хийж яваа хэмээн буруушаасан. Х.Баттулгын хувьд АН-ын даргын сунгаанд оролцож буй нь давхар санаатай хэмээн учир мэдэх хүмүүс нь ярилцаж байна. Тэрээр АН-ын даргын сунгаандаа амжилтгүй оролцвол Монголын үндэсний олимпийн хорооны даргын сунгаанд нэр дэвшихээр санаархаж яваа гэнэ. Товчхондоо тэрээр хоёр туулай хөөж яваа юм. Хэдийгээр тэрээр Монголын Жүдо бөхийн холбооны тэргүүнээр ажилладаг ч түүний хамгийн ойрын хүн болох олимпийн аварга Н.Түвшинбаяр улсын начин Э.Энхбатыг зэрлэгээр зодож, амь насыг нь бүрэлгэсэн хэрэгтээ өдгөө саатуулагдсан хэвээр байгаа. МҮОХ-г өмнө нь олимпийн аварга Н.Түвшинбаяр удирддаг байсан ч өдгөө шоронд орох цагаа хүлээж суугаа. Иймд Х.Баттулга АН-ын даргад өвдөг шороодвол, МҮОХ-ны удирдлага руу санаархаж эхэлж байгаа бололтой. Хоёр туулай хөөсөн хүн хоосон хоцордгийн адилаар АН-ын дарга байтугай, олимпийн хорооны ерөнхийлөгчид горилж чадахгүй хоцрох вий.
Дашрамд сонирхуулахад, МҮОХ-ны Ерөнхийлөгчид Х.Баттулгаас гадна, МҮОХ-ны тэргүүн дэд ерөнхийлөгч Б.Баттүшиг, Монголын биатлоны холбооны ерөнхийлөгч Э.Мөнх-Очир нар нэрээ дэвшүүлжээ.
АНХААРУУЛГА: Уншигчдын бичсэн сэтгэгдэлд horiotoi.mn хариуцлага хүлээхгүй болно. horiotoi.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Таныг horiotoi.mn сайтад зочлон өөрийн санал бодлоо чөлөөтэй илэрхийлж байгаад баярлалаа.