МоАХ-ны Үндэсний зөвлөгөөн өнгөрсөн хоёрдугаар сарын 18-нд болсон бөгөөд энэ үеэр МоАХ-ны даргад Д.Монголхүүг заалнаас нэр дэвшүүлсэн билээ. Уг зөвлөгөөнөөр МоАХ-д тулгамдаад буй асуудлыг хэлэлцэж, тус холбооны тавдугаар их хурлыг зохион байгуулахаар шийдвэрлэсэн. 

Тэгвэл өнөөдөр МоАХ-ны тавдугаар их хуралд оролцогчдын саналаар МоАХ-ны Ерөнхийлөгч Х.Баттулгыг огцруулж, МоАХ-ны даргаар Д.Монголхүүг сонгожээ. Дашрамд дурдахад, заалнаас Ц.Элбэгдорж, Д.Монголхүү, А.Цэрэнбат, Д.Сосорбарам, Ц.Сүхбаатар нарын нэрийг МоАХ-ны Ерөнхийлөгчид нэр дэвшүүлсэн бөгөөд Д.Монголхүүгээс бусад нь нэрээ татсанаар ийнхүү Д.Монголхүү МоАХ-ны шинэ даргаар сонгогдлоо.