Хэдийгээр дэлхий нийтэд сайхан бүсгүй шалгаруулах тэмцээнийг зохион байгуулдаг болоод 80 гаруй жил өнгөрч байгаа хэдий ч манай улсын хувьд ердөө 30 орчим жилийн түүхтэй. Хамгийн анх 1989 онд сайхан бүсгүй шалгаруулах тэмцээнийг зохион байгуулж, анхны миссээр Г.Биндэръяа гэх Улаанбаатар хотоос оролцсон бүсгүй шалгарч байсан гэдэг. Гэвч үнэндээ Монгол Улсын сайхан бүсгүй шалгаруулах анхны тэмцээн 1989 оны  4 дүгээр сард болж, Дархан хотын оролцогч Ж.Дэлгэрмаа гэх бүсгүй шалгарч, тэргүүндээ алтан эрдэнийн титэм залж байжээ. Харин тэр жилийнхээ зун сайхан бүсгүй шалгаруулах тэмцээнийг улсын хэмжээнд зохион байгуулж, Г.Биндэръяа түрүүлж байсан түүхтэй аж.