Энэ болсон явдлын талаар НАСА одоо хүртэл тайлбар өгөлгүй маш ихээр нууцалж байна. Учир нь 1968 онд сансарт ниссэн НАСА-гийн сансрын нисгэгч Чарлез Гинсон агаарын баазаас пуужинтайгаа хөөрөөд 3 цагийн дараа төв станцтайгаа холбоо тасарч тэрээр ор сураггүй алга болсон юм. Энэхүү нислэг нь маш нууц байдалд хийгдсэн бөгөөд энэхүү болсон явдлын талаар ямар нэгэн хэвлэл мэдээлэл дээр гараагүй байдаг. Түүний алга болсон шалтгааныг НАСА-гийн ажилчид сансарт гарсан даруйдаа сууж явсан хөлөг нь дотоод гэмтлээс болж сансарт сүйрсэн гэж үзэж байжээ. Түүнийг бараг мартсан үе буюу 28 жилийн дараа 1991 оны 3 сарын 26 нд Номхон далайд Чарлез Гинсоны сууж явсан "Гемини" хөлөг онгоц уналаа гэсэн мэдээлэл НАСА-д ирснээр бүх зүйл тодорхой болсон юм. Бүхэл бүтэн 28 жил сансарт алга болсон нисгэгч яаж эрүүл саруул амьд байсан бэ, ердөө хагас жилийн хоолны нөөцтэй явсан хүн яаж тийм удаан амьд байсан бэ гэсэн асуултууд ар араасаа ундарч байлаа. Гинсон болон түүний сууж явсан хөлгийг НАСА Калифорниад байдаг Эдвардын агаарын бааз руу авч яван түүнээс болсон бүх үйл явдлын процессийг асуусан байна. Түүнээс 28 жилийн турш хаана яаж амьдарч байсан бэ? гэсэн асуултанд тэрээр "Дахиж хэзээ ч үгүй...Та нар ойлгох ёстой .. Тэд нар бол бидний дайснууд..." гэсэн үл ойлгогдох хариулт өгсөн байна. Удаа дараа асуултанд тэрээр сандарч түгдрэн заримдаа уйлж байжээ. Гэвч эцэст нь НАСА түүнээс жинхэнэ болсон явдлын талаар сонссон байна. Тэд түүнд тохиолдсон болсон явдлын талаар хэзээ ч хэнд ч ярьж болохгүй энэ бол дэлхий нийтийг цочирдуулах болно гэж үзээд Гинсоныг Эдвардын агаарын баазад 3 жил хорионд байлгаж ой санамжийг нь мартагдуулах эмчилгээ хийсний дараа жирийн амьдралд нь оруулсан талаар хуучин НАСА-гийн ажилчид ярьжээ. Чарлез Гинсоныг одоо хаана хэрхэн амьдарч байгааг хэн ч мэддэггүй. Түүнийг сансарт алга болсон явдлыг НАСА-гийн түүхэнд анх удаа сансарт ор сураггүй алга болсон нисгэгч гэж тэмдэглэсэн байдаг.