УИХ-ын гишүүн Д.Бат-Эрдэнэ болон Н.Наранбаатар, Т.Аюурсайхан нарын бүрэн эрхийг түдгэлзүүлэх эсэх асуудлыг маргааш хуралдах УИХ-ын чуулганаар хэлэлцэнэ.  Д.Бат-Эрдэнэ, Н.Наранбаатар хоёрын хувьд Өмнөговь аймгаас олонхийн санал авч, УИХ-ын гишүүн болсон юм. Монголын парламентын түүхэнд нэг аймгийн хоёр төлөөллийг  бүрэн эрхээс нь түдгэлзүүлж байсан түүх байдаггүй.  Бүхэл бүтэн аймгийг төлөөлж, сонгогдсон  гишүүдийнх нь бүрэн эрхийг түдгэлзүүлбэл тухайн тойрогт олон эрсдэл дагуулна гэж  хуульчид үзэж байна. Энэ талаар УИХ-ын гишүүн асан, гавьяат хуульч Ц.Оюунбаатараас тодрууллаа.