УИХ-ын гишүүн Ж.Мөнхбатад нүүрсний хэрэгт холбогдуулан эрүү үүсгэж яллагдагчаар татсан юм. Гэвч тэрээр  УИХ-ын гишүүний бүрэн эрхээсээ татгалзах хүсэлтээ гаргахдаа "Ээжийгээ эмчлүүлэх хувийн шалтгааны улмаас" гэж бичсэн байдаг. Одоогоор түүнийг УИХ-ын гишүүнээс хараахан чөлөөлөөгүй байгаа ч хаврын чуулганаар хэлэлцэх байх гэсэн олон нийтийн хүлээлттэй байгаа.  

Ж.Мөнхбат нь УИХ-ын гишүүний бүрэн эрхээсээ татгалзах өргөдлөө өгсний дараа  2022 оны ХОМ-ээ мэдүүлээгүй байна. Мөн тэрээр ээжийгээ эмчлүүлэхээр БНСУ явсан гэх бөгөөд өнөөдрийг хүртэл ирээгүй байгаа аж. Иймд хэрэгтэй нь холбогдуулан  мэдүүлэг авахад хүндрэлтэй байгаа тул  албадан ирүүлэх арга хэмжээг авч болзошгүй гэнэ.