Өмнөговь аймагт “Түмэн тэмээний баяр-2022” өвлийн наадам ирэх гуравдугаар сарын 5-7-нд болно. 23 дахь жилдээ зохион байгуулж байгаа энэхүү наадам нь “Уламжлалт тэмээний баяр" бөгөөд өвлийн аялал жуулчлалыг хөгжүүлэх Монголын анхны эвентүүдийн нэг. Цар тахлын улмаас хоёр жил тасарсан бөгөөд энэ удаад илүү өргөн хүрээг хамруулахын тулд аймгийнхаа төвд хийхээр болсон байна.  

Энэ үеэр тэмээн поло, тэмээтэй буухиа уралдаан, гоё тэмээтэй сайхан хос, тайлаг тэмээний бооцоотой уралдаан болно. Мөн атан тэмээ болон хоёр наст хурдан тэмээний уралдаан болох юм.