Ерөнхий сайд Л.Оюун-Эрдэнэ Энэтхэг улсаас хүлээн авсан AstraZeneca вакцины хамгийн эхний тунг хийлгэлээ. Ингэснээр Монгол Улсад коронавирусийн дархжаалуулалт албан ёсоор эхэлж байгаа юм.  Анхны вакциныг хийлгэснийхээ дараа тэрээр "Монгол Улс өнөөдрөөс вакцинжуулалтын ажлыг албан ёсоор эхэлж байна. Оюун санааны хөрш Энэтхэг улсад талархаж байна. Монгол Улс хүн амынхаа 60 хувийг буюу 18-наас дээш насныхныг богино хугацаанд вакцинжуулалтад хамруулна. Вакцинжуулалт сайн дурын үндсэн дээр хийгдэнэ. Гэхдээ аюулт тахлаас эрүүл мэнд болон эдийн засгаа хамгаалах цор ганц арга бол вакцинжуулалт юм" гэлээ. 

Харин ард иргэдийн зүгээс уг вакцины талаар эсрэг байр суурьтай байна. Эхлээд хамгийн эрсдэл бүхий цэрэг, цагдаа, эмнэлгийн байгууллагын ажилтнуудад, мөн ахмад настнуудад тарих ёстой атал улстөрчид өөрсдөдөө ингэж эхэлж тарьж байгааг буруушааж байна.